इन्द्रेणीपोष्ट
काठमाडौं । पछिल्लो २४ घण्टामा नेपालमा थप ७७६ जनामा कोरोना संक्रमण पुष्टि भएको छ ।
सोमबार स्वास्थ्य तथा जनसंख्या मन्त्रालयले दिएको जानकारी अनुसार देशको विभिन्न प्रयोगशालामा भएको १० हजार ८ सय ६४ नमूना परीक्षणका क्रममा ७७६ जनामा कोरोना संक्रमण पुष्टि भएको हो ।
मन्त्रालयका अनुसार सो अविधमा देशभर १३ जनाको कोरोनाका कारण ज्यान गएको छ । यससँगै नेपालमा कोरोनाका कारण ११ हजार ३६१ जनाको मृत्यु भएको छ ।
यस्तै १० हजार ३६० जना सक्रिय संक्रमित रहेको मन्त्रालयले जनाएको छ । पछिल्लो २४ घण्टामा ५०१ जना कोरोना संक्रमणमुक्त भएका छन् ।
