काठमाडौं । शुक्रबार, नेपाली बजारमा सुनको मूल्य घटेको छ । यस दिन सुनको मूल्य प्रतितोला एक हजार रुपैयाँले घटेको छ ।
नेपाल सुनचाँदी व्यवसायी संघका अनुसार छापावाल सुन प्रतितोला एक लाख ७५ हजार रुपैयाँमा कारोबार भईरहेको छ । गत बुधबार प्रतितोला एक लाख ७६ हजार पुगेर नयाँ रेकर्ड बनाएको सुनको मूल्य, हिजो अथार्त बिहीबार सोही मूल्यमा कारोबार भएको थियो । हालसम्मकै उच्च मूल्यमा दुइ दिन कारोबार भएको सुनको मूल्य यस दिन भने घटेको हो ।
यस दिन चाँदीको मूल्य भने तोलामा ३५ रुपैयाँले घटेको छ। आज चाँदी प्रतितोला एक हजार ९९५ रुपैयाँमा कारोबार भइरहेको छ। बिहीबारको बजारमा चाँदी प्रतितोला दुई हजार ३० रुपैयाँमा कारोबार भएको थियो।
