इन्द्रेणीपोष्ट
काठमाडौँ, २६ असारः नेकपा माओवादी केन्द्रले प्राकृतिक विपद्बाट भएको जनधनको क्षतिप्रति दुःख व्यक्त गर्दै विपद् व्यवस्थापनलाई प्रभावकारी बनाउन सरकारको ध्यानाकर्षण गराएको छ ।
पार्टी कार्यालय पेरिसडाँडामा बसेको पदाधिकारी बैठकले विपद् प्रभावितको उद्धार, राहत र पुनःस्थापनाका लागि गम्भीर भएर लाग्न सरकारको ध्यानाकर्षण गराएको छ साथै सो घटनामा बेवाश्था गरे सह्य नहुने कुराको चेतावनी दिएको छ । बैठकले आगामी दिनमा विपद्को जोखिम आकलन गरी पूर्वतयारीलाई प्रभावकारी बनाउन सरकारलाई सुझाव दिएको उपाध्यक्ष एवं प्रवक्ता अग्निप्रसाद सापकोटाले बताएका छन। बैठकले आगामी साउन ७ गते पुष्पलाल श्रेष्ठको स्मृति दिवस देशव्यापी रुपमा विभिन्न कार्यक्रम गरी मनाउने निर्णय गरेको समेत उनले बताए।
आइतबार, साउन १८ गते २०८२
Aug 03 2025 Sunday
