इन्द्रेणीपोष्ट
काठमाडौँ, २० साउन – हाल देशभर मनसुनी वायुको प्रभाव सक्रिय रहनुका साथै मनसुनको न्यूनचापीय रेखा सरदर स्थानको उत्तरतर्फ रहँदा आज कोशी र मधेस प्रदेशका केही स्थानमा वर्षा हुने जल तथा मौसम विज्ञान विभागले जनाएको छ ।
विभागका अनुसार दिउँसो देशभर अधिकांश स्थानमा आकाश बदली रहनेछ भने कोशी र मधेस प्रदेशका केही स्थान तथा अन्य अधिकांश स्थानहरूमा मध्यम वर्षाको सम्भावना रहेको छ । साथै, लुम्बिनी र सुदूरपश्चिम प्रदेशका केही स्थान तथा बागमती र गण्डकी प्रदेशका एकदुई स्थानमा भारीदेखि धेरै भारी वर्षा हुन सक्ने पूर्वानुमान गरिएको छ ।
यस्तै, आज राति पनि देशभर आंशिकदेखि पूर्ण बदली रहनेछ भने लुम्बिनी, कर्णाली र सुदूरपश्चिम प्रदेशका धेरै स्थान तथा अन्य प्रदेशका केही स्थानमा मध्यम वर्षाको सम्भावना छ । लुम्बिनी र सुदूरपश्चिमका केही स्थानमा राति पनि भारीदेखि धेरै भारी वर्षाको सम्भावना रहेकाले सतर्क रहन विभागले आग्रह गरेको छ ।
मंगलबार, साउन २० गते २०८२
Aug 05 2025 Tuesday
