इन्द्रेणीपोष्ट
अछाम, ३१ साउनः अछाममा झण्डा गाड्ने क्रममा करेन्ट लाग्दा एक जनाको मृत्यु भएको छ भने पाँच जना घाइते भएका छन् ।
बान्निगढी जयगढ गाउँपालिका–१ जयगढ बजारस्थित बर्दादेवी मन्दिर नजिक कृष्ण जन्माष्टमी मेलाको तयारीस्वरूप सार्वजनिकस्थलमा झण्डा गाड्ने क्रममा फलामे डन्डा विद्युत् लाइनमा छुँदा दुर्घटना भएको हो ।
करेन्ट लागेर घाइते भएका मेल्लेख गाउँपालिका–७ नन्देगडाका १६ वर्षीय रोहित साउदको उपचारका क्रममा बयालपाटा प्रादेशिक अस्पतालमा मृत्यु भएको जिल्ला प्रहरी प्रमुख ओमप्रकाश खनालले जानकारी दिए ।
घाइते बान्निगढी जयगढ–६ का १८ वर्षीय समीर शाह, १७ वर्षीय विनोद रावत, २० वर्षीय बम शाह, साँफेबगर नगरपालिका–४ मुगसैनका १६ वर्षीय लवशन सुनार र रामारोशन गाउँपालिका–६ भाटाकाटियाका १६ वर्षीय शमशेर साउदको उपचार सोही अस्पतालमा भइरहेको छ ।
प्रहरीका अनुसार घाइते सबैको अवस्था सामान्य छ ।
आइतबार, भदौ १ गते २०८२
Aug 17 2025 Sunday
