इन्द्रेणीपोष्ट
बागमती, २० साउनः बागमती प्रदेशका नवनियुक्त मुख्यमन्त्री इन्द्रबहादुर बानियाँको सिफारिसमा गठित मन्त्रिपरिषद्का आठ सदस्यले आज पद तथा गोपनीयताको शपथग्रहण गरेका छन् ।
प्रदेश प्रमुख दीपकप्रसाद देवकोटाबाट शपथ लिएपछि मुख्यमन्त्री बानियाँले सत्ता साझेदार दल नेपाल कम्युनिष्ट पार्टी एमालेका छ जना र नेपाली कांग्रेसबाट दुई जना गरी आठ जनालाई मन्त्रीमा नियुक्त गरेका हुन् ।
एमाले कोटाबाट मधुसुदन पौडेल कृषि तथा पशुपंक्षी विकासमन्त्री, डा.दिनेशचन्द्र देवकोटा भौतिक पूर्वाधार विकासमन्त्री, जयराम थापा श्रम, रोजगार तथा यातायातमन्त्री, भरतबहादुर केसी वन तथा वातावरणमन्त्री, किरण थापा स्वास्थ्यमन्त्री र विन्दु श्रेष्ठ उद्योग, वाणिज्य, भूमि तथा प्रशासनमन्त्रीमा नियुक्त भएका छन् ।
यस्तै, कांग्रेसको भागबाट कृष्णकुमार तामाङ खानेपानी, ऊर्जा तथा सिँचाइमन्त्री र शिवराज अधिकारी बिनाविभागीय मन्त्रीको जिम्मेवारीमा नियुक्त भएका छन् ।
शपथग्रहण कार्यक्रम आज प्रदेश प्रमुखको कार्यालयमा सम्पन्न भएको थियो ।
मंगलबार, साउन २० गते २०८२
Aug 05 2025 Tuesday
