इन्द्रेणीपोष्ट
काठमाडौँ, २७ साउनः राष्ट्रिय समाचार समिति राससको रिक्त महाप्रबन्धकमा पत्रकार सन्दीप राई नियुक्त भएका छन । सोमबार साँझ बसेको मन्त्रिपरिषद्को बैठकले राईलाई महाप्रबन्धकमा नियुक्त गरेको एक मन्त्रीले जानकारी दिए ।
राई प्रेस चौतारी नेपालका केन्द्रीय सदस्य हुनुका साथै विगत दुई दशकदेखि पत्रकारितामा संलग्न रहँदै आएका अनुभवी पत्रकार हुन् । पाँचथर फालेलुङ गाउँपालिका–३ का स्थायी बासिन्दा राईले मोफसलदेखि राजधानी काठमाडौँसम्म विभिन्न सञ्चारमाध्यममा काम गर्दै अनुभव बटुलेका छन् ।
उनले पत्रिका, रेडियो र अनलाइनमा काम गर्नुका साथै तत्कालीन भौतिक पूर्वाधार तथा यातायातमन्त्री वसन्तकुमार नेम्वाङको प्रेस संयोजकको जिम्मेवारी पनि वहन गरेका थिए ।
मंगलबार, साउन २७ गते २०८२
Aug 12 2025 Tuesday
