इन्द्रेणीपोष्ट
गुल्मी, २९ साउनः मदनभण्डारी राजमार्गअन्तर्गत रिडी–तम्घास सडकखण्ड आज बिहान पहिरो खस्दा पूर्ण रूपमा अवरुद्ध भएको छ । रुरुक्षेत्र गाउँपालिका–३ स्थित बाख्रे भीरमा आएको पहिरोका कारण यातायात पूर्णरूपमा ठप्प भएको जिल्ला प्रहरी कार्यालयका सूचना अधिकारी गङ्गाबहादुर सारुले जानकारी दिएका छन ।
पहिरो पन्छाउने कार्य जारी रहेको भए पनि निरन्तर वर्षाका कारण काममा अवरोध भइरहेको प्रहरीले जनाएको छ । वर्षा रोकिनासाथ सडक खोल्ने र सवारीसाधन सञ्चालनमा ल्याइने तयारी छ ।
सडक खुल्ने समय नटुङ्गिनुका कारण यात्रु र चालकलाई पानीट्याङकी–थोर्गा–सालबिसौन मार्ग प्रयोग गर्न अनुरोध गरिएको छ।
बिहीबार , साउन २९ गते २०८२
Aug 14 2025 Thursday
