इन्द्रेणीपोष्ट
जनकपुर, ८ भदौः महिलालाई आर्थिक प्रलोभन देखाइ जबरजस्ती यौन क्रियाकलापमा संलग्न गराएको आरोपमा प्रहरीले जनकपुरधाम–२३ का होटल सञ्चालक अजिज राइनलाई पक्राउ गरेको छ । ४५ वर्षीय राइनविरुद्ध पीडित परिवार र मानव अधिकारकर्मीले उजुरी दिएपछि प्रहरीले कारबाही अघि बढाएको हो ।
प्रहरी नायब उपरीक्षक बरुणबहादुर सिंहका अनुसार राइनविरुद्ध मानव बेचविखन तथा यौनजन्य अपराधसँग सम्बन्धित गम्भीर प्रकृतिका उजुरी दर्ता भएका छन् । उनले प्रमाण सङ्कलन कार्य जारी रहेको जनाएका छन ।
यसैबीच, राइनविरुद्ध राष्ट्रिय मानवअधिकार आयोगमा समेत उजुरी परेको छ । आयोगका जनकपुरधाम प्रमुख बुद्धनारायण सहनीले घटनालाई अत्यन्त संवेदनशील विषयका रूपमा लिइएको भन्दै आयोगले प्रारम्भिक तथ्य जाँच सुरु गरेको जानकारी दिएका छन ।
सोमबार, भदौ ९ गते २०८२
Aug 25 2025 Monday
