इन्द्रेणीपोष्ट
भद्रपुर झापा, ११ भदौः चालु आर्थिक वर्ष २०८२।८३ को पहिलो महिनामा काँकडभिट्टा भन्सार नाकाबाट पेट्रोलियम पदार्थको आयात एक अर्ब ५० करोड १३ लाख ६५ हजार रुपैयाँ पुगेको छ ।
मेची भन्सार कार्यालयका सूचना अधिकारी ईश्वरकुमार हुमागाईँका अनुसार गत वर्षको सोही अवधिसँग तुलना गर्दा यो ३.६० प्रतिशत करिब पाँच करोड २२ लाख ले बढी हो । आयातमा सामान्य वृद्धि भए पनि राजस्व संकलन भने ११.८० प्रतिशत करिब सात करोड ९१ लाख ले बढेको छ । यस अवधिमा पेट्रोलियम पदार्थ आयातबाट कुल ७४ करोड ८३ लाख ३२ हजार रुपैयाँ राजस्व संकलन भएको कार्यालयले जनाएको छ।
अलग–अलग वस्तुको विवरण हेर्दा
पेट्रोल रु ७७ करोड ३ लाख बराबरको ८ हजार ९०४ किलोलिटर
डिजेल रु ४४ करोड ११ लाख बराबरको ४ हजार ६७६ किलोलिटर
एलपी ग्यास रु २० करोड ३ लाख बराबरको १ हजार ९३३ मेट्रिक टन
एटीएफ विमान इन्धन रु ७ करोड ३ लाख बराबरको ७९२ किलोलिटर
मट्टितेल रु १ करोड १३ लाख बराबरको १२८ किलोलिटर
यसरी पहिलो महिनामै पेट्रोलियम पदार्थ आयात र राजस्व दुवैमा वृद्धि भएको भन्सार कार्यालयले जनाएको छ ।
बुधबार, भदौ ११ गते २०८२
Aug 27 2025 Wednesday
