इन्द्रेणीपोष्ट
काठमाडौँ, ११ भदौः प्रतिनिधिसभा, राज्य व्यवस्था तथा सुशासन समितिको सभापति पदमा नेपाली कांग्रेसकी समानुपातिक सांसद ईश्वरीदेवी न्यौपाने निर्विरोध चयन भएकी छन् ।
समितिका ज्येष्ठ सदस्य सर्वेन्द्र नाथ शुक्लाको अध्यक्षतामा बसेको बैठकमा न्यौपानेलाई निर्विरोध सभापति चयन गरिएको हो । यसअघिका सभापति रामहरि खतिवडाको राजीनामा पछि रिक्त भएको पदमा न्यौपाने एक मात्र उम्मेदवार थिइन् । खतिवडाले प्रस्ताव प्रस्तुत गर्दा नेकपा एमालेका सांसद कृष्णगोपाल श्रेष्ठले समर्थन जनाएका थिए ।
न्यौपानेले आजै सभामुखसमक्ष पद तथा गोपनियताको शपथ लिनेछिन् । नेपाल विद्यार्थी सङ्घबाट राजनीति सुरु गरेकी उनी कांग्रेस केन्द्रीय सदस्य तथा महिला विभाग प्रमुख समेत रहेकी छिन् । यसअघि उनी संविधानसभा सदस्य र संसदीय दलको सचेतकको भूमिकामा पनि रहेकी थिइन् ।
बुधबार, भदौ ११ गते २०८२
Aug 27 2025 Wednesday
